WhatsApp әлемдегі ең танымал қосымша атағынан айырылды. Қазір TikTok әлеуметтік желісі бірінші орынға шықты, деп хабарлайды Алтайньюс тілшісі. 

SensorTower сараптамалық компаниясының зерттеуі бойынша, қаңтарда TikTok пен оның қытайлық нұсқасы Douyin 104 миллион рет жүктелген. Қосымша жарыққа шыққалы оған 1,82 миллиард қолданушы тіркелген. 

Қосымшаны көбіне Үндістан, Қытай, Бразилия мен АҚШ тұрғындары қолданады. 

Айта кетейік, TikTok - қытайлық ByteDance компаниясы жасаған платформа. Аталмыш әлеуметтік желіде қысқа видеоларды бөлісуге болады.