Өскемендегі 19-шы шағын ауданның тұрғындары қоғамдық көліктердің жұмыс кестесіне наразы, деп хабарлайды Алтайньюс тілшісі.

Аймақ басшысы Даниал Ахметов аталмыш шағын ауданның тұрғындарымен кездесіп, абаттандыру жобасын талқылаған еді. Бұл бастаманы бір ауыздан құптаған тұрғындар, қосымша талап-тілектерін де жеткізді. Олардың айтуынша, қала екі ортағы қоғамдық көліктер сирек қатынайды. Ал 43 және 26-шы маршрутты автобустар сенбі-жексенбі күндері мүлдем жүрмейтін көрінеді.

- Сонда 17-ші автобус ғана қалады. Оның өзі өте сирек жүреді, - дейді олар.  

Даниал Кенжетайұлы тұрғындардың бұл өтінішін ескеретінін жеткізді.