Өскемендегі Шешек асуында таудан стюбпен сырғанаған бойжеткендер жолға шығып кетіп, зулап келе жатқан көлікке соғылды, деп хабарлайды Алтайньюс тілшісі.

-Оқыс оқиға 11 қаңтар күні кешкі сағат бес шамасында болған. «Шешек» асуы ауданындағы ескі жолдың бойындағы таудан сырғанаған қос бойжеткен жолға дейін шығып кетіп,  көлікке соғылды. «Nissan» маркалы автокөліктің рульінде 1980 жыл туған азамат болған, деп жазылған ШҚО баспасөз қызметі таратқан ақпаратта.

Ал түрлі дене жарақатын алған қыздар бірінші қалалық ауруханаға жеткізілген. Олардың екеуі де 24 жаста.

Тәртіп сақшылары ҚР Қылмыстың Кодексінің 345 бабы 1 бөлігі бойынша сотқа дейінгі тергеу амалдарын жүргізіп жатыр.