Париж қаласында «France Football» журналының ұйымдастыруымен «Алтын доп» иегері анықталды. Ол - «Барселона» футбол клубының аргентиналық шабуылшысы Лионель Месси. Айта кету керек, бұл – Мессидің алтыншы «Алтын добы».

Жүлдеге үміткерлердің қатарында қазіргі жұлдыздардың біршамасы бар. Атап айтқанда, Садио Мане, Трент Александер-Арнольд, Алисон Бекер, Жоржиньо Вейналдум, Вирджил ван Дейк, Роберто Фирмино, Мохамед Салах (барлығы - «Ливерпуль», Англия), Серхио Агуэро, Бернарду Силва, Рияд Марез, Кевин де Брейне, Рахим Стерлинг (барлығы - «Манчестер Сити», Англия), Френки де Йонг, Марк-Андре тер Штеген, Лионель Месси, Антуан Гризманн (барлығы - «Барселона», Испания), Уго Льорис, Сон Хын Мин (барлығы - «Тоттенхэм», Англия), Душан Тадич, Донни ван де Бек (екеуі - «Аякс», Голландия), Килиан Мбаппе, Маркиньос (екеуі - ПСЖ, Франция), Пьер-Эмерик Обамеянг («Арсенал», Англия), Криштиану Роналду, Маттейс де Лигт (екеуі - «Ювентус», Италия), Карим Бензема, Эден Азар (екеуі - «Реал», Испания), Роберт Левандовски («Бавария», Германия), Калиду Кулибали («Наполи», Италия), Жоау Фелиш («Атлетико», Испания)

Сондай-ақ, аталмыш шара барысында Италияның «Ювентус» командасының ойыншысы Маттейс де Лигт жылдың ең үздік жас футболшысы атағына ие болды.