Android смартфондарында WhatsApp желісіне саусақ таңбасы (отпечатка) арқылы кіруге болатын қолданба пайда болды, деп хабарлайды Алтайньюс тілшісі.

– Біз бұл қонданбаны үш ай көлемінде сынақтан өткіздік. Енді ол барлық Android смартфондарында бар. Тек телефонды қайта бір жаңарту керек. Онда да қолданба іске қосылмаса, хаттардың көшірмесін сақтап алыңызда, WhatsApp-ты өшіріп, жаңасын орнатыңыз, – дейді WhatsApp басшылығы.

Қолданбаны іске қосу үшін «Есеп жзбасы» («Учетнач запись»), оның ішінде «Құпиялық» («Конфиденциальность») батырмасын таңдайсыз.

Айта кетейік, бұдан өзге тағы бір жаңалық бар. Енді келген хаттарды тек WhatsApp-ты ашып қана көретіндей қылуға болады. Яғни саусақ таңбаңызбен желіні ашасыз, хатты өзіңіз ғана оқисыз. Бұрынғыдай келген хаттар телефон бетіне шығып тұрмайды.