Семейде 25 жастағы Иван Ашемахер есімді азамат ауруханада ауыр халде жатыр. Науқастың туыс-туғандары қала тұрғындарынан көмек сұрады, деп хабарлайды Алтайньюс тілшісі.

– Күйеуім барлық тексеруден өтті. Гемоглобині – 50, өте төмен. Негізінде 150 болуы керек екен. Оған кез-келген қан тобы сәйкес келеді, – дейді Иван Ашемахер жары Алина. 

Науқасқа кез-келген қала тұрғыны көмек қолын соза алады. Семей қаласындағы Қан орталығы Сеченов көшесі, 4 мекен жайында орналасқан. Сағат 8.00-ден 14.00-ге дейін орталыққа келіп, қан тапсыруға болады.