Шығыстың бас шаһарында 19-25 тамыз аралығында мектепке қажетті құрал-жабдықтардың жәрмеңкесі өтеді, деп хабарлайды Алтайньюс тілшісі.

Бір аптаға созылатын жәрмеңке Республика алаңында күнделікті сағат 15.00-де басталып 21.00-ге дейін жалғасады. Қала әкімдігінің мәлімдеуінше, оқу жылында қажетті барлық тауарлар арзан бағада ұсынылады. Жәрмеңкеге 12 дүкен атсалысады екен.

– Ең бастысы оқушылар үшін барлық жеңілдік жасалуы тиіс. Сондай-ақ адамдар топырласып кезекте тұрмау үшін түрлі ассортименттің болғаны жөн, – деп пікір білдірді қала әкімі Жақсылық Омар.