ШҚО-да тағы бір жасар бала терезеден құлап мерт болды, деп хабарлайды Алтайньюс тілшісі.

Қайғылы жағдай Алтай ауданында Комаров көшесіндегі көпқабатты үйлердің бірінде болған.

Алтай Төтенше жағдай қызметі мамандарының айтуынша, бір жасар бала 5-ші қабаттан құлап кетіп, оқиға орнында көз жұмған.

Естеріңізге сала кетсек, осыдан біраз уақыт бұрын біздің редакция ШҚО-дағы терезеден құлаған балалардың саны артқаны жайлы жазған болатын. Осыған байланысты құтқарушылар тобы ата-аналарға сақ болуларын өтініп, дабыл қағуда.