Түркістан облысы Арыс қаласындағы жарылысқа байланысты Шығыс Қазақстанда жедел байланыс жүйесі іске қосылды, деп хабарлайды Алтайньюс тілшісі.

№44859 әскери бөлімшесінде болған жарылыста жарақат алған адамдардың бар-жоғы белгісіз.

– Арыс қаласындағы бөлімшеде республиканың түкпір-түкпірінен қызметкерлер келіп жұмыс істейді. Сондықтан да осы жедел байланыс арқылы олардың хәлін туыстары хабарласып біле алады, – деді облыстық төтенше жағдайлар департаментінің баспасөз қызметкері Анастасия Скляр.

Байланыс нөмірі: 8 (7232) 55-38-19.

Айта кетейік, дәл қазір Арыс қаласының халқы түгелдей эвакуацияланып, арнайы құрылған лагерлер мен бекеттерге жеткізіліп жатыр. Бұл туралы Түркістан облысының  әкімі Өмірзақ Шөкеев айтты.