Өскеменде волейбол қала әкімінің жүлдесі үшін жарыс басталды. Қыздар командалары арасындағы додаға облысымыздың аудан-қалаларынан келген 15 ұжым қатысуда, деп хабарлайды Алтайньюс тілшісі.

Спорттық шараның тұсаукесер рәсімінде қала әкімі Жақсылық Омар сөз сөйлеп, жас волейболшыларды доданың басталуымен құттықтады.

Айта кетейік, биылғы жарыста 2004-2005 жылдары туған ойыншылардан құралған алты және 2006-2007 жылғы спортшылармен жасақталған тоғыз команда сынға түсуде.

Тағы бір айта кетер жайт, турнирдің ашылу салтанатына құрметті қонақтар ретінде өскемендік «Алтай» волейбол клубының ойыншылары Әлия Садықова мен Зарина Сейітқазинова қатысты.