ШҚО-да Алтай аудандық «Ақтан» мешіті Алтай қаласындағы қазақ бастауыш мектебіне ерекше қайырымдылық жасады, деп хабарлайды Алтайньюс тілшісі.

Бұл жолы ізгілік шарасында мектепке қазақ тіліндегі оқулықтар берілген.

-        Исламда білім алуға жәрдем жасау аса сауапты іс болып есептеледі. Осы бағытта балаларға білім нәрі болсын деп оқулықтар, кітаптар сыйлап отырмыз. Қолдан келгенше қайырымдылық жасау – мұсылманға парыз іс. Балалардың жүзінен мейірім шуағын көрудің өзі ғанибет. Сондықтан осындай шаралар аудандық мешітте жүйелі түрде үздіксіз жасалып отырады, - дейді «Ақтан» мешітінің бас имамы Мирас Көкебаев.