«Қазгидромет» ШҚ филиалының ақпараты бойынша 19 желтоқсанда Шығыс Қазақстан облысында шығыстан және оңтүстік-шығыстан жел соғады. Күндіз облыстың шығысында және оңтүстік-шығысында желдің екпіні 15-18 м/с дейін күшеюі күтілуде,- деп хабарлайды Altainews.kz тілшісі.

Шығыс Қазақстан облысы ТЖД ескертеді:

• Елді мекендерден тыс жерлерге шықпаңыз.
• Автокөлікпен қозғалыс кезінде жылдамдық режимін және қауіпсіз қашықтықты қатаң сақтаңыз.
• Жаяу жүргіншілерге тайғақ жерлерде құлаудан сақ болу үшін асықпай жүру ұсынылады.
• Желдің күшеюі кезінде электр сымдарына және тербелетін заттарға жақындамаңыз. Ағаштардың астында немесе автобус аялдамаларының артында тұрудан аулақ болыңыз.
• Төтенше жағдайлар туындаған жағдайда «101» немесе «112» нөміріне қоңырау шалыңыз.