Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаменті көрсетілетін қызметтердің сапасын бақылау үшін ғана емес, оларды үнемі жетілдіру бойынша да белсенді жұмыс істейді. Ағымдағы жылдың тоғыз айында әртүрлі процестерді оңтайландыруға бағытталған 47 бастама әзірленді.
Олардың 27-сі құқықтық реттеуді бағалауға, 10-ы автоматтандыруға және техникалық мүмкіндіктерді талдауға, ал 9-ы қызмет көрсету процесін жақсартуға қатысты. Жұмыстың басым бағыттарының бірі бұрын ресми құжаттамада ескерілмеген «жасырын» мемлекеттік қызметтерді анықтау болып табылады.
Бұл тәсілдің мысалы ретінде «Сауда саласындағы тауарлардың нысаналы мақсатын растау» функциясын мемлекеттік қызметтер тізіліміне енгізу туралы ұсыныс болды. Қарастырылғаннан кейін бұл ұсыныс қабылданды, енді бұл функция ресми түрде мемлекеттік қызмет болып табылады.
Бұл қадам азаматтар үшін жаңа мүмкіндіктер ашады. Болашақта олар қызметті алу процесімен егжей-тегжейлі танысып қана қоймай, оны белсенді және автоматтандырылған форматқа ауыстыра алады, бұл қолжетімділікті едәуір жеңілдетеді әрі оны ұсынудың тиімділігін арттырады.
Егер сіз Мемлекеттік қызметтерді алу кезінде өз құқықтарыңыздың бұзылуына тап болсаңыз, Департаментке мына мекенжай бойынша хабарласыңыз: Өскемен қаласы, Назарбаев даңғылы, 4. Анықтама үшін 8-7232-76-50-88 нөміріне қоңырау шалуға болады. Сондай-ақ, «Е-Өтініш» платформасы немесе Telegram мобильді қосымшасында «Egovkzbot2.0» арқылы жүгіну мүмкіндігі бар.

ҚР Мемлекеттік қызмет істері Агенттігінің

ШҚО бойынша Департаментінің басшысы,

Әдеп жөніндегі кеңес төрағасы
Е.М. Айкымбеков