ШҚО Шемонаиха қаласында ауа райының күрделі жағдайында – термометр көрсеткіші -20 градустан төмен түскен кезде Усть-Таловка кентінің маңындағы жылу трассасындағы ақауды жоюмен айналысып жатқан жұмысшыларға қолдау көрсету мақсатында аудан әкімдігі мен төтенше жағдайлар бөлімі тікелей жұмыс орнында ыстық ас ұйымдастырды, деп хабарлайды Altainews.kz тілшісі.  
Ыстық тағам мен шай еңбеккерлерге жылынып, күш жинауға көмектесті, бұл аязды күні жұмыс істеу үшін аса маңызды. Осындай сәтте үйлерге жылу беру үшін аянбай еңбек етіп жүрген адамдарға қамқорлық көрсету маңызды рөл атқарады.  
Айта кетейік, бүгін таңертең Шемонаиха ауданындағы жылу трассасынан ақау шықты. «Востокэнерго» ЖШС-нің апаттық бригадасы жұмыскерлерінің жедел іс-әрекеті арқасында ақау анықталып, оны жою бойынша жұмыстар қарқынды жүргізіліп жатыр.