Өскеменде қоғамдық қауіпсіздіктің цифрлық шараларын дамытуға арналған фото- және бейнефиксация жүйесі іске қосылды, деп хабарлайды Altainews.kz тілшісі. 

"Шығыс Қазақстан облысында қоғамдық және жол бойы бейнебақылау жүйесін кеңейту және жаңғырту" жобасы аясында "Мерген" бақылау камералары жаппай іске қосылуда.

Қазір Өскемен қаласындағы "Сергек" аппараттық-бағдарламалық кешенінің 159 камерасы толығымен "Мергеннің" 243 жаңа камерасына алмастырылды.

Сонымен қатар, "Мерген" бақылау камераларының 24-і Риддер қаласында, 17-сі Алтай қаласында, ал жалпы бақылау камераларының 175-сі Риддер қаласында, Алтай қаласында – 260-сы орнатылуда.

Айта кету керек, аппараттық-бағдарламалық кешеннің көмегімен қоғамдық құқықтық тәртіп қызметі мамандары аз уақыт ішінде 140-қа жуық қылмысты ашып, 10 мыңға жуық әкімшілік құқық бұзушылықты анықтап үлгерген. 

Ақерке Рағызбаева 
Фото, Видео: Жәнібек Ырысбай