Алтай қаласынан кейін іле-шала Өскеменде де нан қымбаттап кетті, деп хабарлайды Алтайньюс тілшісі.

Өскеменде қазір жоғары сұрыпты нан 90 теңгеден сатылып жатыр. Әзірше барлық дүкендерде емес екен. Бірақ жақын арада басқа наубайшылар да нан бағасын көтермек.

Негізі нанның бағасы қаңтардан бері біртіндеп қымбаттап келеді. Ол кезде 85 теңгеге сатылған бір бөлке нан қазір 90 теңге болды. Оған ұн бағасының өсуі себеп болып отыр.