Шүлбі су қоймасының маңындағы тұрғындарға апатты жағдайға әр кез даяр болу ескертілді. Ең қажетті заттар мен құжаттарды буып-түйіп, оңайға қойған дұрыс, деп хабарлайды Алтайньюс тілшісі.

«Ауа температурасы жоғарылап, қар шұғыл еріп жатыр. Сәуір айының басында аймақтағы арналарда су деңгейі көтеріледі деп болжануда. Шүлбі су қоймасында да су тасуы мүмкін. Ертіске жақын маңдағы тұрғындарға сақ болып, эвакуациялау жұмысына кез келген уақытта даяр отыру ескертіледі!».

Семей қалалық әкімдігінің ресми сайтында осындай ескерту жарияланды.