Өскеменде аулаға ойнауға шыққан алты жастағы бала жоғалып кетті, деп хабарлайды Алтайньюс тілшісі.

Бұл оқиға 18 қыркүйекте болған. Полицияға 35 жастағы қала тұрғыны кешкі сағат төрт шамасында хабар берген.

– Патрульдік полиция қызметкерлері кіші лейтенант Медет Жанапин мен аға лейтенант Рауан Баймолдин баланы Республика алаңынан тауып, туған-туыстарына жеткізді. Бала аман-есен, денсаулығына ешқандай зақым келмеген, – деді Өскемен қалалық полиция басқармасы бастығының міндетін атқарушы Орал Рыспаев.