Синоптиктердің айтуынша, көктемнің алғашқы күнінде еліміздің бірқатар өңірінде жауын-шашын түсіп, жел күшейеді, деп хабарлайды Алтайньюс тілшісі.

«Шығыс Қазақстан облысында күн алабұлтты, жауын-шашын жауады. Жаяу бұрқасын соғып, тұман түседі. Көктайғақ болады. 15-20 м/с жылдамдықта жел соғады», - деп жазылған «Қазгидромет» хабарламасында.

Мамандардың мәліметі бойынша, Шығыстағы Жарма ауданында жел екпіні 25 м/с-ға дейін күшейеді. Ал өңірдегі ауа температурасы күндіз 5 градусқа дейін, түнде 3-8 градус нөлден төмен.

Оразай Жеңісұлы