Шығыс Қазақстанда жаңа әлеуметтік нысандар ашылды.

ШҚО-да Тәуелсіздік күні мерекесіне орай рухани, мәдени-ағартушылық сипаттағы іс-шаралар мен бірқатар әлеуметтік маңызы бар нысандардың ашылуы өтті, деп хабарлайды Altaynews.kz тілшісі.

Күршім ауданының Жолнұсқау ауылында 50 орындық жаңа мектеп бой көтерді. Ескі мектептің ғимараты 1971 жылы салынған екен. Жарты ғасырдан астам уақыт істеп тұрған бұл ғимарат апатты жағдайда деп танылған болатын. Ағымдағы жылдың сәуір айында облыстық бюджеттен жаңа заманауи мектеп салуға қаражат бөлінді.  

"Бір қабатты Шығыс" бағдарламасы аясында Тарбағатай ауданы Ақжар ауылында көпбалалы отбасыларға 14 үйдің кілті табысталды.

Айта кетсек, бүгін облыс аумағында түрлі  семинарлар, дөңгелек үстелдер, қайырымдылық акциялары, көрмелер, сынып сағаттары секілді, жалпы саны 500-ден астам іс-шара өтті.