Қазақстанда 5G желісін кімдер қолданады?
Цифрлық даму министрлігі 5G-ді кімдер пайдаланатынын айтты.
Орталық коммуникациялар қызметінде өткен брифингте ҚР Цифрлық даму, инновациялар және аэроғарыш өнеркәсібі вице-министрі Асхат Оразбек Қазақстанда 5G желісін кімдер қолданатынын айтты, деп хабарлайды Altaynews Zakon.kz сайтына сілтеме жасап.
Вице-министрдің айтуынша, алдағы уақытта 5G желісінің негізгі пайдаланушылары мүдделі тұлғалардың ішінен анықталады.
"Олар – жоғары жылдамдықты қажет ететін ірі бизнес абоненттері мен бейнероликтерді көп көретін және жақсы сапалы қарым-қатынасты қажет ететін әлеуметтік желі қолданушылары. Цифрландыру, ғылым және инновациялар есебінен технологиялық серпіліс жоспарына сәйкес, 2022 жылдың соңына дейін бұл 5G желісін үш қалада — Алматы, Астана және Шымкентте іске қосу көзделіп отыр, 2025 жылға дейінгі кезеңде желілерді еліміздің барлық облыс орталығында енгізу жоспарланды", - дейді Асхат Оразбек.
Желі үш мегаполисте, ең алдымен, халық көп шоғырланатын орындар, соның ішінде сауда орталықтарына жүргізіледі екен.
