Шығыс Қазақстандағы жұмыссыздық деңгейі 4,8% – дан аспайды, ал ҚР бойынша - 4,9%.

ШҚО Өңірлік коммуникациялар қызметінде облыс әкімінің бірінші орынбасары Алмасхан Сматлаевтың қатысуымен өңірдің әлеуметтік-экономикалық даму қорытындылары туралы баспасөз конференциясы өтті, деп хабарлайды Altaynews.kz.

Мемлекет басшысы Қасым-Жомарт Кемелұлы Тоқаевтың "Халық үніне құлақ асатын мемлекет" тұжырымдамасы аясындағы тапсырмасын орындау мақсатында ұйымдастырылған брифингтерді Жаңа жыл қарсаңында облыс әкімнің бірінші орынбасары Алмасхан Сматлаев аяқтады. Ол БАҚ өкілдерін өңірдің 2022 жылғы әлеуметтік-экономикалық дамуының алдын ала қорытындылары туралы хабардар етті.

Осы ретте мемлекеттік бюджетке түсетін түсімдер 1,3 есеге ұлғайған екен. Жалпы өңірлік өнім 103,5% өсіммен 3,5 трлн теңгеге жетеді.