Глубокое ауданындағы төрт ауылдың жолы жөнделеді
Сурет: Шығыс Ақпарат
Глубокое ауданында «Ауыл – ел бесігі» жобасы аясында төрт ауылдың жолы жөнделіп, көшелеріне жарық орнатылады.
Бұл туралы аудан әкімі Эльдар Тұмашинов өңірлік коммуникациялар қызметінің алаңында болған баспасөз мәслихатында айтты, деп хабарлайды Altaynews тілшісі.
– Предгорное, Винное, Черемшанка және Секисовка ауылының жолдарына орташа жөндеу жүргізіліп, көше жарығы орнатылады. Бұл жұмыстарға 680 млн теңгеге бөлу қарастырылған. 19 шақырымнан астам кентішілік жолдар жөнделіп, 600-ден астам көшеге жарықтандыру тіректері орнатылады, – деді Глубокое ауданының әкімі.
Сондай-ақ, әкімнің айтуынша, бас-аяғы он екі шақырымға созылған аудандық маңызы бар Предгорное – Верх-Уба көлік жолына орташа жөндеу жұмыстары жүргізіліп жатыр.
Тағы 14 ауылдың (226 Разъезд, Верхнеберезовка, Черногорка, Планидовка, Прапорщиково, Глубокое, Белоусовка, Кожохово, Бобровка, Быструха, Уварово, Перевальное, Опытное поле, Черемшанка) көшесі жөнделуде.
Оқи отырыңыз
