Синоптиктер 27 маусымға арналған ауа райы болжамын ұсынды.

«Қазгидромет» РМК ұсынған мәліметке сәйкес, еліміздің басым бөлігінде жаңбыр жауады, деп хабарлайды Altaynews тілшісі.

«Қазақстанның солтүстігінде, түнде және таңертең солтүстік-батысында қатты жаңбыр жауып, найзағай ойнайды. Тек республиканың батысында, оңтүстігінде жауын-шашынсыз ауа райы сақталады», деп хабарлады синоптиктер.

Республиканың басым бөлігінде жел күшейіп, солтүстікте, солтүстік-батыста, орталықта бұршақ жауады.