Облыс орталығында шағын аудандарды дамыту бағдарламасы осы уақытқа дейін сәтті жүзеге асырылып келеді. Бұл бағыттағы жұмыс, әсіресе өткен жылы қарқын алып, футбол алаңдары әрбір ауданда салына бастады.

Бастама биыл да жалғасын тапты. Дәл қазір үш футбол алаңы мен бір баскетбол қорабы дайын, деп хабарлайды Altaynews тілшісі.

«22 және 23 шағын аудандарында тағы екі алаң аяқталуға шақ қалды», - дейді Өскемен әкімі Жақсылық Омар.

Сондай-ақ қала басшысы әлеуметтік қамсыздандыру мәселесіне тоқталды.

«Үлбі орталығының жаңа форматтағы жұмысын атап өткім келеді. Нысанды өткен жылы ерекше балалармен жұмыс істеуге бағыттадық. Қазір ол жақсы жұмыс істеп тұр және ата-аналардың оң пікірлерін алуда», - дейді әкім.