Әлихан Смайылов қысқы кезеңге дайындық жұмыстарының баяу жүріп жатқанын айтып, Үкімет мүшелерін сынға алды. Премьер-Министр кабинетте отырмай, жұмыс істеуге шақырды.

Жылыту маусымына дайындық мәселелеріне арналған Үкімет отырысында Премьер-Министр жылу беру маусымына дайындық деңгейі әлі де нашар екенін айтты.

"Жалпы, жылыту маусымына дайындық жұмыстарын нашар деп бағалаймын. Бірінші басшылардың, әкімдер мен министрлердің жауапты орынбасарлары "кабинетте отырмай", жұмыстың бел ортасында жүруі тиіс. Проблемаларды объектінің басында шұғыл шешу қажет. Арқаны кеңге салатын уақыт жоқ, жаз ортасы келіп қалды. Тәулік бойы жұмыс істеу керек. Бізде құрылыс маусымы өте қысқа, сондықтан тәуекел де жоғары. Егер жаз біткенше жағдай жақсармайтын болса, онда жауапты адамдарға қатысты кадрлық шешімдер қабылданатын болады", - деді Әлихан Смайылов.