EGov Mobile қосымшасынан жаңа цифрлық құжат алуға болады
![](/kz/uploads/posts/2023-07/2020_03_27_crop-9_6_608x986_1569895847-696x429.webp)
Фото: qazaquni.kz
ЕGov Mobile мобильді қосымшасында жаңа цифрлық құжат – «Колледж дипломы» қолжетімді.
Енді колледж түлектері eGov Mobile қосымшасы арқылы құжатты цифрлық форматта қолдана алады. Осыған дейін eGov mobile пайдаланушылары үшін жоғары оқу орындарының дипломдары мобильді қосымша арқылы қолжетімді болған еді, деп хабарлайды Altaynews тілшісі Мемлекеттік қызметтер және онлайн ақпарат порталына сілтеме жасап.
Цифрлық құжатты қолдану үшін eGov mobile қосымшасының басты бетінде «Цифрлық құжаттар» сервисін таңдау керек. Пайдаланушы құжатпен QR код немесе 6 таңбалы код арқылы бөлісе алады.
Цифрлық құжат – түпнұсқа құжаттың аналогы. Қазіргі уақытта «Цифрлық құжаттар» сервисінде 27 құжат қолжетімді: оның ішінде жеке куәлік, жүргізуші куәлігі, ҚР азаматының паспорты және басқалары бар.