Санавиациямен құтқарылған азамат дәрігерлерге алғыс айтты – ШҚО
ШҚО-да боранда адасып кетіп, тікұшақпен Өскеменге жеткізілген ер адам ақ халаттылар мен облыс басшылығына алғысын білдірді, деп хабарлайды Altaynews.kz тілшісі.
Естеріңізге сала кетейік, өткен аптада Маралдыда қайғылы оқиға орын алған болатын. Екі ер адам Үшбұлақ ауылынан Сарытау учаскесіне қайтып келе жатып, Маралды ауылдық округінің аумағында боранда адасып кеткен.
Өкініштісі, біреуі қаза тапты. Ал екінші азамат тікұшақпен облыс орталығына жеткізілді.
- Досым екеуміз Үшбұлақ ауылынан қайтып келе жатқанбыз. Қатты боран соғып, қас қарайып кеткендіктен адасып, далада қалып қалдық. Сол жерде түнеуге мәжбүр болдық. Тез арада вертолет жіберіп, менің өмірімді алып қалған облыс басшылығы мен ақ халаттыларға өз алғысымды жеткізгім келеді, - дейді Дидар Оразов.
Оқи отырыңыз
