Естеріңізге сала кетейік, екі ер адам Үшбұлақ ауылынан Сарытау учаскесіне қайтып келе жатып, Маралды ауылдық округінің аумағында боранда адасып кеткен болатын, деп хабарлайды Altaynews.kz тілшісі.

Ауа райының қолайсыздығына байланысты олар сол жерде түнеуге мәжбүр болған екен.

Өкінішке орай, біреуі қаза тапты. Алдын ала мәлімет бойынша, екіншісінің аяқ-қолдары үсіп қалыпты.

Бүгін зардап шеккен тұрғынға тікұшақ жіберіліп, ары қарай ем-шара жасау үшін Өскеменге жеткізілді. Тікұшақтың бортындағы ШҚО-ның санавиация құрамында реаниматолог дәрігер Александр Патрин мен фельдшер Лариса Величко болды. Олар пациентке шұғыл медициналық көмек көрсетті.

Фото және бейнежазба: Ермек Иманғазинов