Форумға 155 бастауыш партия ұйымының төрағалары қатысты.

Бүгінгі таңда біздің облысымыз бойынша партияның айтарлықтай бөлігін білім беру және өнеркәсіп саласының өкілдері  құрайды, деп хабарлайды  Altainews.kz сайтының тілшісі.

Бастауыш партия ұйымдары - партияның негізгі күші. Мыңдаған партия мүшелері партияның қоғамдық саяси өміріне белсене араласады.

Партияның сайлауалды бағдарламасын жүзеге асыруға арналған  Жол картасының орындалуы бойынша обыстық филиалдың төрағасы Сайрангүл Жұмаділова толықтай тоқталып өтті.

Ал бастауыш партия ұйымының партиялық жобаларды іске асыру аясындағы қызметі туралы Зайсан аудандық филиалының №4 бастауыш партия ұйымының төрағасы Қазырхан Ерлік  тәжірибесімен бөлісті.

Панельдік секцияда форум қатысушылары арнайы лекторларға сұрақтар қойып, бастауыш партия ұйымдарының жұмысын одан әрі  жетілдірудің жолдарын талқылады. Сонымен қатар, форум барысында партия қатарына жаңадан қабылданған мүшелерге партияның төс белгілері мен билеттері табысталып, бірқатар бесенді бастауыш партия ұйымдарының жетекшілері марапатталды.