Президент жазушы Сәбит Досановтың отбасына көңіл айтты
adebiportal.kz
Көрнекті жазушы Сәбит Досанов 84 жасында дүниеден озды.
Мемлекет басшысы жазушы Сәбит Досановтың отбасы мен жақын туыстарына көңіл айту жеделхатын жолдады, деп хабарлайды Altainews.kz тілшісі Ақорданың баспасөз қызметі ақпаратына сүйеніп.
Президент Қасым-Жомарт Тоқаев көрнекті қаламгер, драматург, «Отан» орденінің иегері, Мемлекеттік және М. Шолохов атындағы халықаралық сыйлықтардың лауреаты Сәбит Досановтың дүниеден өтуіне байланысты оның отбасы мен жақын туыстарына көңіл айтты.
– Сәбит Айтмұханұлы қазақ әдебиетінің өркендеп қанат жаюына елеулі үлес қосты. Ұлттық проза мен драматургияның дамуына нағыз шығармашыл тұлға ретінде бар саналы ғұмырын арнады. Көркем туындылары сүйікті оқырмандарының тарапынан жоғары бағаланды. Соңына өшпес әдеби бай мұра қалдырған Сәбит Айтмұханұлының жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын, – деп жазылған жеделхатта.
Оқи отырыңыз
Белгілі журналист, ғалым Сейдахмет Құттықадам дүниеден оздыПрезидент халық әртісі Ескендір Хасанғалиевтің жақындарына көңіл айттыСәбит Дөнентаев шығармалшылығына арналған ашық сабақ өттіЖазушы, журналист Медеу Сәрсеке өмірден өттіНұрсұлтан Назарбаев Дүкенбай Досжанның отбасы мен туған туыстарына көңіл айту жеделхатын жолдады
