Елорда төріндегі «Барыс Аренада» 2011 жылы туған жасөспірімдер арасында шайбалы хоккейден ел чемпионатының төртінші туры аяқталды.

Өскемендік ұжым үздіктер қатарынан көрінді, деп хабарлайды Altainews.kz тілшісі.

«Мықтылар» тобында «Барыс-2011» қарсылас шақ келтірмеді. Бірде-бір рет ұтылмаған ұжым 72 ұпаймен көш бастады. Ал Өскемендік «Торпедо-2011» 53 ұпаймен екінші орынға табан тіреді. Үздік үштікті түйіндеген «Астана-2011» командасының қоржынында 49 ұпай бар.

Чемпион атанған клубтың үш ойыншысы маусым қорытындысы бойынша жеке марапатқа ие болды. «Барыс-2011» сапындағы Кәрім Бишімбаев – үздік қақпашы, Мәди Мұрат – үздік қорғаушы, Максим Самойлюк – үздік бомбардир.