Өскемендік «Торпедо-2007» ел чемпионатының күміс жүлдегері атанды
Өскеменде 2007 жылы туған ұлдар арасындағы шайбалы хоккейден ел чемпионатының төртінші кезеңі мәреге жетті, деп хабарлайды Altainews.kz тілшісі.
Облыс орталығындағы Спорт сарайында болған ақтық додада «Торпедо-2007» (Өскемен), «Астана-2007» (Астана), «Юность-2007» (Қарағанды), «Ертіс-2007» (Павлодар), «Астана-2» (Астана), «Құлагер-2007» (Петропавл) командалары күш сынасты.
«Торпедо-2007» еншісінде төрт жеңіс бар. Тек Қарағандының «Юность» клубына есе жіберген. Шешуші ойында өскемендік ұжым «Астана-2007» клубын 3:1 есебімен ұтып кетті. Дегенмен қорытынды есепте «Торпедо-2007» екінші орынға табан тіреді. «Астана-2007» – ел чемпионы. Үздік үштікті «Юность-2007» түйіндеді.
Маусым соңында үздік деп танылған ойыншылар:
Үздік қақпашы – Дулат Еркінов (Астана)
Үздік қорғаушы – Эдуард Олденбургер (Юность)
Үздік шабуылшы – Владислав Ануфриев («Торпедо»).