KZ
Өскемен
+18°
ясно жел 6 м/с, СБ
457.98 490.86 5.26

Биыл ауылдарда 18 медициналық нысан салынады – ШҚО

шартты сурет: depositphotos.com

10.05.2024, 14:56 90 Жанаргүл Мұқатай

Ауыл тұрғындарының өмір сүру сапасы мен денсаулығын жақсартуға бағытталған «Ауылда денсаулық сақтауды жаңғырту» Ұлттық жобасы аясында жыл соңына дейін облысымыздың сегіз ауданында барлығы 18 медициналық-санитарлық алғашқы көмек нысандарын салу жоспарланып отыр.

Ұлттық жоба бойынша облыстың аудандарында барлығы 36 медициналық нысан салу жоспарланған,  деп хабарлайды Altainews.kz тілшісі.

Атап айтқанда, Тарбағатай ауданында – 9, Зайсан ауданында– 3, Глубокое ауданында – 6, Катон-Қарағай ауданында– 2, Ұлан ауданында– 6, Шемонаиха ауданында – 2, Күршім ауданында - 5 және Алтай ауданында – 3 медициналық нысан, барлығы  7 дәрігерлік амбулатория, 2 фельдшерлік-акушерлік пункт және 27 медициналық пункт жоспарланған.

Өткен жылы облыста 17 медициналық пункт салынып, ((Ұлан (5), Күршім (5), Тарбағатай (6), Шемонаиха (1) аудандарында) пайдалануға берілген болатын.

-Бүгінгі күні Глубокое ауданы Прапорщиково ауылында дәрігерлік амбулатория ғимаратының құрылысы аяқталып бітті, нысан мамыр айының соңында пайдалануға берілмек.

Қазіргі уақытта ағымдағы жылға жоспарланған

18 нысанның (Тарбағатай – 3, Зайсан – 3, Глубокое – 5, Катон-Қарағай – 2, Ұлан – 1, Шемонаиха – 1, және Алтай ауданында - 3) құрылысын және олардың инженерлік инфрақұрылымын бастауға жергілікті бюджеттен қаражат бөлінген, сондай-ақ, мердігер ұйымдар анықталды.  13 нысан бойынша құрылысқа рұқсат алу бойынша рәсімдер жүргізілуде.

 18 нысанның құрылысын толықтай аяқтау және оларды пайдалануға беру ағымдағы жылдың 4 тоқсанына жоспарланып отыр,- деді өңірлік коммуникациялар қызметі алаңында өткен брифингте құрылыс, сәулет және қала құрылысы басқармасының басшысы Дидар Кеңесбаев.

Жобаға сәйкес жаңа медициналық ғимараттарда күндізгі стационар, емшара, егу, физио кабинеттері, сондай-ақ акушерлік кабинет қарастырылған. Алғашқы медициналық көмек көрсету пункттері ауысымда 50-ге дейін пациентті қабылдай алады (мед.пункттер – 25, ФАП – 40, дәрігерлік амбулаториялар-ауысымына 50 келушіге).

Жаңадан салынған нысандар елді-мекендерде сапалы медициналық көмек көрсету үшін қажетті медициналық жабдықтармен және жиһаздармен қамтамасыз етіледі.

Аталған Ұлттық жоба ауылдағы медициналық инфрақұрылымды жақсартуға мүмкіндік береді, осылайша тұрғындар аудан орталықтарына және қалаға бармай-ақ медициналық көмек ала алады. Жобаны іске асыру нәтижесінде «Алтын сағат» қағидатын сақтай отырып, 36 елді мекеннің 25 554 тұрғынына шұғыл медициналық көмек уақтылы көрсетілетін болады.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив