Бүгіннен бастап жоғары оқу орындарына құжат қабылдау басталды.
Ғылым және жоғары білім министрлігі талапкерлерге арналған күнтізбені жариялады, деп хабарлайды Altainews.kz тілшісі.
Ведомствоның әлеуметтік желідегі хабарламасына сәйкес:
- ЖОО-ға құжаттарды қабылдау 20 маусым-25 тамыз аралығында;
- «педагогикалық ғылымдар» және «денсаулық сақтауға» түсушілер үшін арнайы емтихандар өткізу 20 маусым-20 тамыз;
- шығармашылық емтихандарға қатысу үшін өтініштер қабылдау 20 маусым - 10 тамыз;
- шығармашылық емтихандардың өткізілуі 7 шілде - 5 тамыз;
- білім беру гранттары конкурсына қатысуға өтініштер қабылдау 13 шілде – 20 шілде;
Айта кетейік, грант иегерлерінің тізімі 10 тамызға дейін жарияланады.