Тамыз айының екінші жексенбісінде құрылыс саласының қызметкерлері өздерінің кәсіби мерекелерін атап өтуде, деп хабарлайды Altainews.kz тілшісі.

Құрылыс саласы - ел экономикасының маңызды секторларының бірі. Сәулетшілер, инженерлер мен дизайнерлер, сырлаушы-сылақшылар мен әрлеушілер, бетоншылар мен тас қалаушылар - қазіргі уақытта 53 мың компанияда шамамен 648 мың маман жұмыс істейді.

Қазір су тасқынынан зардап шеккен аймақтарда құрылысшының еңбегі ерекше сұранысқа ие. Кейде олар баспанасынан айырылған азаматтар тезірек жаңа үйлеріне көшуі үшін тәулік бойы, бірнеше ауысыммен жұмыс істейді.