Қазақстанда тұмауға қарсы вакцинация жүріп жатыр
pexels.com
Ағымдағы жылдың 15 қыркүйегінен бастап халықты тұмауға қарсы вакцинациялау басталды, деп хабарлайды Altainews.kz тілшісі.
ҚР Денсаулық сақтау министрлігі ақпаратына сүйенсек, тұмауға қарсы вакцинациялауға Ресейде өндірілген «ГРИППОЛ +» вакцинасының 2 207 752 дозасы сатып алынды.
– Тұмау – басқа жіті респираторлық вирустық инфекциялардан күрделі өтеді және асқынып кету себептерімен ерекшеленеді. Алдын алудың ең тиімді әдісі - вакцинация. Вакцинаны тегін негізде медицина қызметкерлері, диспансерлік есепте тұрған тәуекел тобына жататын адамдар, қарттар үйлері мен балалар үйлерінің контингенті ала алады, – деп ескертеді министрлік.
Республикада тұмауға қарсы 26 мыңнан астам адам егілді, вакцинация жалғасуда.
Оқи отырыңыз
