Алтын бұйымды сатып алар кезде неге көңіл бөлу керек? Алаяқтың арбауына түсіп қалмау үшін не істеу қажет? Бұл туралы біздің оқырмандарымызға техникалық реттеу және метрология комитетінің Шығыс Қазақстан облысы бойынша департаменті басшысының орынбасары Әсем Жақсыбаева айтып берді.

– Еліміздің заңнамасына сәйкес, барлық зергерлік дүкенде саудаланатын алтын бұйымдарда Қазақстан барысының суреті салынған белгі болуы тиіс. Неге дейсіз ғой? Өйткені бұл аталмыш заттың арнайы тексеруден өткеннен кейін ғана саудаға шығарылғанын білдіреді, - дейді ӘсемЖақсыбаева.