ШҚО-ның су айдындары ластана түсті
Шығыс Қазақстанның аумағында су айдындары ластана түсті, деп хабарлайды Алтайньюс тілшісі.
Жыл басынан бері 9 ай бойыша су айдындарындағы ахуал туралы «Қазгидромет» РМК филиалының кешенді зертхана басшысы Татьяна Козлянская айтып берді.
Айта кетсек, Қазгидромет облыстағы оннан астам су айдынына 48 гидрохимиялық көрсеткіш бойынша талдау жасайды. Зерттеу нысандарының қатарына кіретіндері: Марқакөл көлі, екі су қойма мен 10 шақты өзен – Қара Ертіс және Ертіс, Бұқтырма, Емел, Брекса, Глубочанка, Красноярка, Тихая, Үбе, Үлбі.
Ағымдағы жылы Марқакөлдің суының күйі нашарлай түсіпті. Қара Ертіс, Ертіс, Үбе, Бұқтырма және Емелдің ластануы «орташа деңгейде». Ал қалған су айдындары аса жоғары деңгейде ластанған екен.