Күршімдегі Тораңғы көлін қар суымен толтырмақшы
Соңғы жылдардағы құрғақ ауа райына байланысты Күршім ауданындағы Тораңғы көлінің радиусы 500 метрге тартылған.
Судың тартылуы салдарынан балық саны да, жануарлар да азайған, деп хабарлайды Altainews.kz тілшісі.
Көл суы осылайша тартыла беретін болса, соңы елеулі экологиялық апатқа әкелуі мүмкін. Сол себепті де аудан әкімдігі көл арнасын толтыру мақсатында қарғын суды Тораңғыға бұру жұмыстарын қолға алған.
Елдің басым бөлігін тасқын су басып, мыңдаған адам баспанасынан, малынан айырылды. Осындай апаттың алдын алып, еріген қар суын дұрыс мақсатта пайдалану үшін Күршім ауданының әкімдігі кеуіп бара жатқан Тораңғыны еріген қар сумен толтырмақ.
- Күршім ауданында көктемгі су тасқынының алдын алу және көлді қалпына келтіру мақсатында Сарыөлең ауылында Жауғашты каналының 15 шақырымын тазарту және "Кубань" учаскесінде ұзындығы 4,5 шақырым су өткізу каналын кеңейту жүргізілді. Қазір мамандар "Тораңғы" көлінде су деңгейін қалпына келтіру жұмыстарын жүргізуде. Сонымен қатар, техникаға арналған көпір құрылысы басталды, - деп хабарлады Күршім ауданының әкімдігі.
Осы мақсаттағы жұмыстарға 5 техника мен 10 адам жұмылдырылған.
- Көл арнасын сумен толтырған жағдайда балық шаруашылығының әлеуеті артады, сондай-ақ су айдынында басқа да қызмет түрлерін жүргізуге мүмкіндік болады, - деп толықтырды аудан әкімшілігі.
Оқи отырыңыз
