Мәжіліс депутаты Омархан Өксікбаев еліміздің барлық аймағында әлеуметтік фитнес залдары ашылатындығын айтты, деп хабарлайды Алтайньюс тілшісі.

– Президент Қазақстан азаматтары дене шынықтырумен айналысу үшін барлық жағдайды жасауды тапсырды. Алдағы екі жылда еліміздің барлық өңірінде 100-ден астам дене шынықтыру кешені ашылады. Біз бірлесе отырып салауатты өмір салтын сақтауымыз керек, – деді ол.

Халық қалаулысы қоғамдық денсаулықты сақтауға мемлекет тарапынан көп көңіл бөлініп жатқандығын қосып қойды. Мәселен, 2010 жылы жыл сайынғы қаржыландыру 547 милрд. теңгені құраса, ол 2018 жылы 2,7 есеге артқан. Яғни, 1 триллион 200 млрд. теңге.