Ертең Семейдегі орталық алаңда Шәкәрім атындағы Семей мемлекеттік университетінің ұйымдастырумен «Семей менің жүрегімде» атты қалалық фестиваль өткізіледі.

Мерекелік шара барысында ақылы түрде оқуға түскен 1-ші курс студенттері арасында ұтыс ойындары ойнатылмақ. Жеңімпаздарға дәл осы оқу орнында 1 жыл, I семестр тегін оқу және де 10/20 пайыз жеңілдікпен білім алуға мүмкіндік беретін сертификаттар табысталатын болады. Ал бас жүлде жеңіл автокөлік болмақ.

Бұдан бөлек, «Самая вышка» әнімен танымал болған «Раим мен Артур» , Марсель сынды бірқатар жұлдыздардың қатысуымен гала-концерт өтеді. Кеш соңы отшашу жəне би кешімен аяқталады.