OtauTV және iDTV пакеттерінде 1 қыркүйектен бастап жаңа телеарна қосылады. "Tamasha tv" деп аталатын бұл арнаның директоры болып "Қазақстан КВН Одағы" республикалық жастар қоғамдық бірлестігінің президенті Есен Елеукен тағайындалды.

Телеарна негізінен ойын-сауық бағдарламаларына арналады. Эфирі "Қазақстан" телерадиокорпорациясының өнімімен толықтырылады. Енді "Әзіл әлемі", "Жайдарман", "Хаха-шоу", "Әзіл man", "Көңілді тапқырлар алаңы", "Қызық екен" секілді жобалар мен комедиялық телехикаяларды сол арнадан тамашалай аласыз. Бұдан бөлек телерадиокорпорация мұрағатында жылдар бойы сақталған, кезінде көрерменнің көңілінен шыққан танымал ойын-сауық бағдарламалары да ұсынылады.