ШҚО-дан жазғы Азия Ойындарына 19 спортшы аттанды
![](/kz/engine/skins/images/noimage.jpg)
XVIII Жазғы Азия Ойындары биыл Индонезияда өтеді. Қазақстанның намысын қандай шығысқазақстандық спортшылар қорғайтын болды?
Джакартадағы және Плембанг қаласындағы Ойындарда барлығы 462 медаль жиынтығы сарапқа салынады. Бұл медальдардан Қазақстанның 440 спортшысы үміткер. Олар спорттың 25 түрінен додаға түседі. Шығыс Қазақстаннан Азия Ойындарына спорттың 7 түрінен жарысатын 19 спортшы аттанды.
Джакарта-2018 Азия Ойындарына ШҚО-дан қатысатын спортшылар тізімі:
Волейбол: Дамир Әкімов, Кристина Аниконова, Әлия Баткульдина
Дзюдо: Зере Бектасқызы, Гүлжан Исанова, Ерасыл Қажыбаев
Еркін күрес: Олег Болтин, Данияр Қайсанов
Жеңіл атлетика: Надежда Дубовицкая, Элина Михина, Ольга Рыпакова, Андрей Соколов
Слалом есу: Ксения Кондратенко, Александр Куликов, Камила Сафина, Қуаныш Еренғаипов
Семсерлесу: Руслан Құрбанов, Вадим Шарлаимов
Грек-рим күресі: Алмат Кебіспаев
Медальға ие болған спортшыларға берілетін сыйақылардың мөлшері де белгілі. Азия чемпионы 10 мың доллар алады, күміс жүлдегер – 5 мың, ал қола медаль иегері – 3 мың доллар.