Өскеменде 180 пәтер пайдалануға беріледі
Облыс орталығында тұрғын үй құрылысы қарқынды жүріп жатыр. Жуықта 180 пәтерлі екі үйдің құрылыс жұмыстары аяқталып, пайдалануға берілмек, деп хабарлайды Altainews.kz тілшісі.
Айта кетсек, бұл үйлер мемлекеттік бағдарламалар арқылы «Отбасы банкінің» салымшыларына жеңілдетілген несиемен беріледі. Қазір құрылыстың балалар алаңын салу, ауланы абаттандыру сияқты соңғы жұмыстары ғана қалды. Ол бір айдың көлемінде толық аяқталуға тиіс.
Сонымен қатар қала әкімі Жақсылық Омар «Халық қатысатын бюджет» бағдарламасы аясында Михаэлис көшесі 12, 12/1, 10/1, 14, 14/1 және 30-шы Гвардиялық дивизия, 30 мекен жайында орналасқан тұрғын үйлердің аулаларында жүріп жатқан кешенді абаттандыру жұмыстарын тексерді. Осы аудандағы тұрғындармен тілдесіп, ұсыныстарын тыңдады. Мұнда аулаға тақтатас төсеп, тротуар салу жұмыстарын «Hard Line», «Фортуна груп» қатарлы мердігер компаниялар сапалы орындап жатқаны назарға алынды.