Оқушылар үшін ең қызықты мезгіл — жаз маусымы болып табылады. Себебі дәл осы кезде балалар үш айлық каникулға шығып, қала сыртындағы сауықтыру орталығына аттанады. Алайда, жасыратыны жоқ қазіргі таңда лагерлерьдің бағасы шарықтап кеткен. Сондықтан да, көптеген жас жеткіншектер жазғы демалыстарын үйде өткізеді.

Осындай жағдайларды ескерген Облыстық табиғи ресурстар және табиғат пайдалануды реттеу басқармасы 12 мен 16 жас аралығындағы жастар арасында ойтолғау жазудан байқау ұйымдастыруда.

Конкурсқа қатысу үшін ең алдымен 28 шілдеге дейін баланың толық аты-жөнін, туған жылын, білім алып жатқан мектебін, сыныбын сонымен қатар тұрғылықты мекен-жайы мен ұялы тлефон нөмірі көрсетіліп толтырылған мәліметті «Жазғы экологиялық лагерь-2018» деген атаумен irish777@list.ru электронды поштасына хат жолдауы қажет. ( Көлемі 1 беттен артық емес, қаріп мөлшері 12 Times New Roman).

Сондай-ақ, қоршаған ортаның ластануына не себеп болып жатыр, өз қалаңыздағы немесе әлемдегі экологиялық жағдайды қалай жақсартуға болатыны жайында өзіңіздің ескертулеріңіз бен ұсыныстарыңызды толықтырып, көлемі бір беттен аспайтын эссені жоғарыда аталған поштаға міндетті түрде жіберу керек.

Ең үздік деп танылған 100 бала Зоя Космодемьянская атындағы жазғы сауықтыру лагеріне 3-8 тамыз не 9-14 тамыз күндері тегін демалып қайтатын болады.

Толық және қосымша ақпаратты 8(7232) 26-57-11 нөміріне хабарласып біле аласыз.