Облыстық ішкі істер департаментінің командасы волейболдан күш құрылымдары ардагерлері арасында өткен аймақтық біріншілікте бірінші орыннан көрінді.

Өскеменде ұйымдастырылған жарысқа барлығы 12 ұжым қатысып, ауыспалы кубок үшін талас жүргізген болатын. Тартысты да қызықты өткен жарыс қорытындысы бойынша бірінші орынға, жоғарыда айтылғандай, облыстық ішкі істер департаментінің командасы ие болды. Шешуші ойында жарыс жеңімпаздары облыстық төтенше жағдайлар департаментінің волейболшыларынан басым түсті. Ал үздік үштікті «Шығыс» аймақтық қолбасшылығының командасы түйіндеді.

Турнир соңынан жеңімпаздар мен жүлдегерлерге жарысты ұйымдастырушылардың атынан грамоталар, сондай-ақ бағалы сыйлықтар таратылды. Ал біріншілікте топ жарған ІІД командасы ауыспалы кубокқа ие болды.