Семейде тасқыннан зардап шеккендердің мүлкін қалпына келтіруге байланысты өтініштер қабылдана бастады. Өтініштерді қабылдау орындары ретінде: Бобровка саяжайы – 44 мектеп, Пристань ауданы – 18 мектеп және Мирный ауданы – 2 мектеп белгіленіпті. Бұл туралы Семей қаласы Азаматтық қорғаныс қызметі хабарлады.

Сол сияқты бүгін сағат: 15:00-де №2, 18, 29, 44, және 39 мектептерде балаларға қажетті киім-кешек пен оқулықтар ата-аналарға табысталмақ. Сондай-ақ дәл осы уақытта қаладағы жоғары оқу орындар мен колледж студенттері әрі белсенді жастардың бастамасымен Түйемойнақ аралында сенбілік жұмыстар ұйымдастырылатын болады.