Облыста соңғы бес жылда «Ақбұлақ» және «Нұрлы жол» бағдарламасы аясында 110 сумен қамту нысаны салынған. Биыл олардың қатары тағы 47 жобамен толықты.

Бір ғана Шемонайха ауданында Новоильинка, Рулиха және Красная Шемонайха ауылдары биыл 100 пайыз таза сумен қамтылды. Аудан орталығында да 282 млн. теңгенің жобасы жүзеге асырылып жатыр.

«Нұрлы жер» бағдарламасы бойынша аудан орталығында жаңадан салынып жатқан бесінші ықшам ауданға су құбыры тартылады.

- Аталмыш жоба биыл және келесі жылы жүзеге асады деп жоспарланған. Өйткені, жобаның құрамына су құбырын, кәріз жүйесін салу және жаңбыр суын ағызу жұмыстары жүргізіледі,- дейді аудан әкімі.

Шемонайха ауданы.