Боран ауылында тұрғындарды таза ауызсумен қамтамасыз ету мақсатында су құбырын тарту жұмыстары жүргізілуде. Құрылыс жұмыстары келер жылдың мамыр айында аяқталады деп жоспарланған.

Осы күнге дейін «Өңірлерді дамыту» бағдарламасы бойынша аудандағы Ақбұлақ, Маралды, Сарыөлең, Аманат, Жаңаауыл, Бурабай, Қазақстан ауылдарына 1200 метр су құбыры тартылып, 14 құдық қазылған. Бүгінде аудан халқының 63 пайызы таза ауызсумен қамтылғанын айта кеткен орынды.

– Аудан халқының әл-ауқатын жақсарту мақсатында бірқатар жұмыс атқарылуда. Мәселен, биыл Тақыр ауылындағы білім ошағына жөндеу жұмыстары жүргізілуде, - дейді «Нұр Отан» партиясы аудандық филиалы төрағасының бірінші орынбасары Б.Нұрымова.